એમએસ યુનિવર્સિટી: એમ.એસ.યુનિવર્સિટીના આર્કિટેક્ચર વિભાગના કેમ્પસમાંથી દારૂ અને બિયરની ખાલી બોટલો અને ટીન મળી આવ્યા બાદ યુનિવર્સિટીની સુરક્ષા પર ફરી સવાલો ઉભા થયા છે. NSUIએ ફરી એકવાર કેમ્પસની સુરક્ષા પર સવાલો ઉભા કર્યા છે.
હાલમાં ડીએનહોલ પાસેના આર્કિટેક્ચર વિભાગના કેમ્પસમાં ગણપતિબાપાની સ્થાપના કરવામાં આવી છે અને તેનાથી 30 મીટર દૂર દારૂની ખાલી બોટલો, બીયરના ટીન અને ગ્લાસ જેવી વસ્તુઓ પડી છે.
એનએસયુઆઈનું કહેવું છે કે કેમ્પસમાં સુરક્ષા પોઈન્ટ ઉભા કરવામાં આવ્યા છે અને છતાં આર્કિટેક્ચર વિભાગમાં દારૂની ખાલી બોટલો મળી આવી તે ચોંકાવનારી બાબત છે. એવી પણ આશંકા છે કે વિદ્યાર્થીઓ કે બહારથી આવેલા લોકોએ અહીં દારૂની મહેફિલ જમાવી છે. આર્કિટેક્ચર વિભાગના વડાએ પણ આ બાબતે સ્પષ્ટતા કરવી જરૂરી છે.
NSUIના સુઝાન લેડમેને કહ્યું, સૌથી મોટો સવાલ એ છે કે સુરક્ષા શું કરી રહી હતી? સિક્યુરિટી આંખ આડા કાન કરે અથવા સિક્યુરિટી અંધારામાં હોય તો જ અહીં દારૂ પી શકાયો હોત. આ ઘટનાએ ફરી કેમ્પસની સુરક્ષા પર સવાલો ઉભા કર્યા છે.
