અમદાવાદ હિટ એન્ડ રન: અમદાવાદના એસ.પી. રીંગરોડ પર વધુ એક ગંભીર હિટ એન્ડ રનની ઘટના પ્રકાશમાં આવી છે, જેમાં અજાણ્યા વાહન ચાલકે વૃદ્ધાને કચડી નાંખી મોતને ઘાટ ઉતારી દીધો હતો અને અકસ્માત સર્જીને ફરાર થઈ ગયો હતો. હાથીજણ સર્કલ પાસે વડોદરા એક્સપ્રેસ હાઇવે બ્રિજ પર આ અકસ્માત સર્જાયો હતો. જ્યારે સંબંધીની સીટ પર બેસીને જતા વૃધ્ધાના ટુ-વ્હીલરને અજાણ્યા વાહને ટક્કર મારતા તેઓ નીચે પટકાયા હતા અને વાહનના પૈડા નીચે કચડાઇ જતાં તેમનું ઘટના સ્થળે જ મોત નિપજ્યું હતું. આ બનાવ સંદર્ભે ટ્રાફિક I ડિવિઝન પોલીસે અજાણ્યા વાહન ચાલક સામે ગુનો નોંધી સીસીટીવી ફૂટેજના આધારે વધુ તપાસ હાથ ધરી છે.
માથા સહિત શરીર પર ટાયર ફરી વળતાં વૃદ્ધનું ઘટનાસ્થળે જ મોત થયું હતું
ઘોડાસરના ઉત્તમનગર પાસે રહેતા વૃદ્ધ સોમવારે સવારે પોતાનું ટુ-વ્હીલર લઈને સંબંધીના ઘરે ગયા હતા. તે દરમિયાન જ્યારે તેઓ એસપી રિંગ રોડ પર વડોદરા એક્સપ્રેસ હાઇવે બ્રિજ ક્રોસ કરી રહ્યા હતા, ત્યારે એક અજાણ્યા વેગવાન વાહનના ચાલકે તેમના ટુ-વ્હીલરને જોરદાર ટક્કર મારતાં તેઓ રોડ પર પટકાયા હતા.
ટ્રાફિક પોલીસે ગુનો નોંધી તપાસ શરૂ કરી છે
અકસ્માત એટલો ભયાનક હતો કે ફોર વ્હીલરનું ટાયર તેના શરીર અને માથા પર ફરી વળ્યું હતું, જેના કારણે ગંભીર ઇજાઓ થતાં તેનું ઘટનાસ્થળે જ કરૂણ મોત નીપજ્યું હતું. અકસ્માત બાદ અજાણ્યો વાહન ચાલક પોતાનું વાહન લઈને ફરાર થઈ ગયો હતો. આ બનાવ સંદર્ભે ટ્રાફિક I ડિવિઝન પોલીસે અજાણ્યા વાહન ચાલક સામે અકસ્માતનો ગુનો નોંધી આસપાસના વિસ્તારના સીસીટીવી ફૂટેજ મેળવી ફરાર વાહન ચાલકને ઝડપી લેવા ચક્રો ગતિમાન કર્યા છે.