વડોદરા: એમ.એસ.યુનિવર્સિટીની સૌથી મોટી કોમર્સ ફેકલ્ટીમાં એફવાયમાં પ્રવેશ માટે પ્રથમ વખત એન્ટ્રન્સ ટેસ્ટ લેવામાં આવશે. 1000 થી વધુ વિદ્યાર્થીઓ આ પ્રવેશ પરીક્ષા આપે તેવી શક્યતા છે. વિદ્યાર્થીઓને પ્રવેશ પરીક્ષા અને આ માટે તૈયાર કરવામાં આવેલ પ્રશ્ન બેંક વિશેની માહિતી પહોંચાડવામાં શાળાઓ પણ મદદરૂપ થશે.
મળતી વિગતો મુજબ વડોદરા શહેર જિલ્લા શિક્ષણ સંઘ સંકલન સમિતિએ કોમર્સ ફેકલ્ટી ડીનને પ્રવેશ પરીક્ષા અંગે વધુ માહિતી આપવા વિનંતી કરી છે અને આચાર્યોની બેઠક બોલાવવા પણ માંગણી કરી છે. સંકલન સમિતિએ વડોદરાના વિદ્યાર્થીઓ માટે 95 ટકા બેઠકો અનામત રાખવા અને જરૂર પડ્યે વધુ વિદ્યાર્થીઓને પ્રવેશ આપવાનો મુદ્દો પણ ઉઠાવ્યો છે. કેવી રીતે ભરવું તેની માહિતી પણ આપવામાં આવશે જેથી શાળાઓ તેમના વિદ્યાર્થીઓને ફોર્મ ભરવામાં મદદ કરી શકે.
નવા શૈક્ષણિક વર્ષથી હાજરી ફરજિયાત કરવાના અગાઉના પ્રયાસો નિષ્ફળ ગયા હતા
કોમર્સ ફેકલ્ટી સત્તાવાળાઓએ નવા શૈક્ષણિક વર્ષથી વિદ્યાર્થીઓની હાજરી ફરજિયાત કરવાનો નિર્ણય લીધો છે. સમગ્ર વર્ષ દરમિયાન વિદ્યાર્થીઓની 75 ટકા હાજરી જરૂરી રહેશે. આ માટે બાયોમેટ્રિક સિસ્ટમ લગાવવાની પણ વિચારણા ચાલી રહી છે. જો કે, આ પહેલા પણ કોમર્સ ફેકલ્ટીમાં વિદ્યાર્થીઓની ફરજિયાત હાજરી માટે ગમે તેટલા પ્રયાસો કરવામાં આવ્યા હોવા છતાં સફળતા મળી નથી. કોમર્સ ફેકલ્ટીમાં નવું શૈક્ષણિક વર્ષ શરૂ થયાના એકાદ મહિના પછી પણ વર્ગોમાં માંડ 2030 ટકા હાજરી છે.