મહિલા સહિત ચાર ઘાયલઃ મારામારીનો વીડિયો વાયરલ
જૂના ઝઘડાનો બદલો લેવા માટે બે પક્ષો સામસામે આવી તલવાર, કુહાડી જેવા હથિયારો ઉછળ્યાઃ સામસામે ફરિયાદ નોંધાઈ
સૌમ્ય
– હળવદ તાલુકાના કડીયાણા-માથક ચોકડી પાસે બે માસ જુના ઝઘડાનું સમાધાન કરવા માટે ભેગા થયેલા બે જૂથો વચ્ચે હિંસક અથડામણ થઈ હતી. જૂના ઝઘડાની કડવાશ રાખી આ ઝઘડામાં દગો થયો, તલવાર, છરી,
કુહાડી અને લોખંડના પાઈપ જેવા હથિયારો વડે સામસામે હુમલો કરવામાં આવ્યો હતો. આ ઘટનામાં એક મહિલા અને એક યુવક સહિત બંને પક્ષના લોકો ગંભીર રીતે ઘવાયા હતા જેમને સારવાર માટે મોરબી હોસ્પિટલમાં ખસેડવામાં આવ્યા છે. હળવદ પોલીસે બંને પક્ષની ફરિયાદ નોંધી વધુ તપાસ હાથ ધરી છે. હવે આ ઝઘડાનો વીડિયો સોશિયલ મીડિયા પર વાયરલ થયો છે.
પ્રથમ ફરિયાદમાં જશીબેન કાળખભાઈ વાઘેલા (ઉ.વર્ષ 47)એ જણાવ્યું હતું કે, બે માસ પહેલા તેમના પુત્ર નવઘણને રાયધ્રા ગામના મહાદેવભાઈ કાળુભાઈ કોળી સાથે બોલાચાલી થઈ હતી. મહાદેવભાઈએ સમાધાનના બહાને માથક ચોકડી બોલાવી હતી,
જ્યાં આરોપી મહાદેવભાઈ, તેનો પુત્ર સામત અને એક અજાણ્યો શખ્સ સફેદ રંગની કારમાં હથિયારો સાથે ધસી આવ્યો હતો. આરોપીએ ફરિયાદીના પુત્ર નવઘણને માર માર્યો હતો, કુહાડી અને તલવાર વડે જીવલેણ હુમલો કરવામાં આવ્યો હતો. પોતાના પુત્રને બચાવવા વચ્ચે પડેલા ફરિયાદીને પણ છરાના ગંભીર ઘા થયા હતા. હાલ માતા-પુત્ર બંને મોરબીની ખાનગી હોસ્પિટલમાં સારવાર હેઠળ છે.
સામા પક્ષે મહાદેવભાઈ કાળુભાઈ દેત્રોજા (ઉ.વ. 40) કોળીએ વળતી ફરિયાદમાં જણાવ્યું છે કે, નવઘન અવારનવાર રસ્તા પર કાતરનો ઉપયોગ કરતો હતો અને તેના પુત્ર સામતને વોટ્સએપ પર ઠપકો આપતો હતો. આ બાબતે ચર્ચા કરવા તેઓ કડિયાણા માથક ચોકડી પહોંચ્યા ત્યારે નવઘણ અને તેના પિતરાઈ ભાઈ વિક્રમ વચ્ચે બોલાચાલી થઈ હતી અને તેના પર હુમલો કર્યો હતો. નવઘણે લોખંડની પાઇપ વડે ફરિયાદી મહાદેવના માથા અને હાથમાં ગંભીર ઇજાઓ પહોંચાડી હતી, જેના કારણે તેના હાથમાં ફેક્ચર છે. આ ઉપરાંત તેમના પુત્ર સામતને પણ વિક્રમે હથોડી વડે મારતાં કાન પાસે ઈજા થઈ હતી. આ મામલે પોલીસે બંને જૂથના લોકો સામે ગુનો નોંધી કાયદેસરની કાર્યવાહી હાથ ધરી છે.