અમદાવાદ, શનિવાર
આંધ્રપ્રદેશના ગુંટુરમાં રહેતા એક વ્યક્તિ વિરુદ્ધ તેની પત્ની દ્વારા ભદ્રની ફેમિલી કોર્ટમાં કેસ દાખલ કરવામાં આવ્યો હતો. જેના અનુસંધાને કેસ લડી રહેલા યુવકની પત્નીના વકીલે તેની સાથે આવેલા જુનિયર વકીલોએ યુવકને કોર્ટમાં છૂટાછેડા બાબતે પતિ-પત્ની વચ્ચે બોલાચાલી દરમિયાન માર માર્યો હોવાની ફરિયાદ કણરજ પોલીસ સ્ટેશનમાં નોંધાઈ છે.
આંધ્ર પ્રદેશના ગુંટુર શહેરમાં રહેતા દેવેન્દ્ર બાગરેચાના લગ્ન જૂન 2010માં પ્રેમલતા નામની યુવતી સાથે થયા હતા. લગ્નજીવનમાં તેમને બે બાળકોનો જન્મ થયો હતો. વર્ષ 2023માં, પ્રેમલતાએ દેવેન્દ્રભાઈ અને તેમના પરિવાર વિરુદ્ધ ઘરેલું હિંસા, ભરણપોષણ અને શારીરિક માનસિક ત્રાસ માટે કાન્તા કોર્ટમાં ફરિયાદ નોંધાવી હતી.
ફેમિલી કોર્ટમાં ભરણપોષણનો કેસ પેન્ડિંગ હોવાથી દેવેન્દ્રભાઈ સતત વિલંબથી કંટાળી ગયા હતા અને કેસનો સુખદ ઉકેલ લાવવા કોર્ટ પાસે પરવાનગી માગી હતી. દેવેન્દ્રભાઈ અને પ્રેમલતા ગત 20 જાન્યુઆરીએ કોર્ટના સાતમા માળે બેઠા હતા અને સમાધાનના માર્ગ અંગે ચર્ચા કરી રહ્યા હતા. તે સમયે પ્રેમલત્તાએ છૂટાછેડાના બદલામાં 50 લાખની માંગણી કરી હતી. દેવેન્દ્રભાઈ પાસે આ રકમ ન હોવાથી તેમણે આપવાની ના પાડી હતી. આ સમયે દેવેન્દ્રભાઈ છઠ્ઠા માળે આવ્યા અને કોર્ટરૂમની બહાર પોતાના વારાની રાહ જોઈ રહ્યા હતા જ્યારે પ્રેમલત્તા મોટેથી વાત કરી રહી હતી. ત્યારે વકીલ આર.સી.બારોટ અચાનક આવ્યા હતા અને દેવેન્દ્રભાઈને માર મારવા લાગ્યા હતા.
આ સમયે જુનિયર વકીલોએ દેવેન્દ્રભાઈને છાતી અને માથામાં પણ માર માર્યો હતો. જેના કારણે તેના ચશ્મા ફાટી જતાં તેને શહેરની હોસ્પિટલમાં લઈ જવામાં આવ્યો હતો અને તેણે દ્રષ્ટિ ગુમાવી દીધી હતી. જ્યાં સારવાર બાદ વીએસ હોસ્પિટલમાં પણ સારવાર આપવામાં આવી હતી. આ સમયે પોલીસ સ્ટેશનમાં અરજી આપવામાં આવી હતી. તેમની તબિયતમાં સુધારો થતાં તેઓ અમદાવાદ આવ્યા હતા અને વકીલ સામે ફરિયાદ નોંધાવી હતી.