સુરત સમાચાર: સુરતના પાંડેસરામાં 21 વર્ષીય યુવકે ભાઈ અને માતાને મેસેજ કરીને ગળેફાંસો ખાઈ આત્મહત્યા કરી લીધી હતી. યુવકના આપઘાતના પગલે પરિવારમાં શોકનો માહોલ છે. જ્યારે યુવકના આપઘાત પાછળનું કારણ સ્પષ્ટ ન થતાં પાંડેસરા પોલીસે ગુનો નોંધી વધુ તપાસ હાથ ધરી છે.
સુરતના 21 વર્ષીય યુવકે મોટા ભાઈને મેસેજ કરીને આપઘાત કરી લીધો હતો
મળતી માહિતી મુજબ, સુરતના પાંડેસરા વિસ્તારમાં રાહુલ અલ્ગુરામ બિંદે નામના યુવકે ગળેફાંસો ખાઈને આત્મહત્યા કરી લીધી છે. આપઘાત કરતા પહેલા મૃતકે તેના ભાઈને વોટ્સએપ મેસેજ કર્યો હતો અને લખ્યું હતું કે, ‘તમે મારા ભાઈનો હાથ પકડો, હું મારો હાથ છોડી રહ્યો છું.’
આ પણ વાંચોઃ વડોદરામાં ડિજિટલ અરેસ્ટના કારણે ખેડૂત આત્મહત્યા કેસ, સુરતમાંથી 2 આરોપીની ધરપકડ
મૃતક યુવક પાંડેસરા વિસ્તારમાં આવેલા ઓટો ગેરેજમાં મિકેનિક તરીકે કામ કરતો હતો. યુવકે શા માટે આપઘાત કર્યો તે સ્પષ્ટ થયું નથી. આ અંગે પોલીસે આગળની કાર્યવાહી હાથ ધરી છે.