ગુજરાત વરસાદ અપડેટ: ગુજરાતમાં ચોમાસુ જામી ગયું છે. સૌરાષ્ટ્ર અને દક્ષિણ ગુજરાતમાં મેઘરાજા મુશળધાર વરસાદ વરસાવી રહ્યા છે. હવામાન વિભાગે આગામી ચાર દિવસ સુધી રાજ્યમાં સાર્વત્રિક વરસાદની આગાહી કરી છે. દરમિયાન માછીમારોને દરિયો ન ખેડવાની સૂચના આપવામાં આવી છે. સાયક્લોનિક સરક્યુલેશન સક્રિય થતાં વરસાદની આગાહી કરવામાં આવી છે. આ ઉપરાંત આજે (30મી જૂન) સવારથી જ અમદાવાદના વિવિધ વિસ્તારોમાં મુશળધાર વરસાદ શરૂ થયો છે. નોંધનીય છે કે છેલ્લા 24 કલાકમાં રાજ્યના 191 તાલુકાઓમાં વરસાદ નોંધાયો છે. જેમાં સૌથી વધુ વરસાદ ભાવનગરના મહુવામાં પડ્યો છે.

• ગુજરાત વરસાદ લાઈવ અપડેટ

ગુજરાતમાં મધ્ય અને દક્ષિણ મુશળધાર વરસાદ

આજે સવારથી દક્ષિણ ગુજરાત અને મધ્ય ગુજરાતમાં ભારે વરસાદ પડી રહ્યો છે. સવારે 8 વાગ્યા સુધી 77 તાલુકામાં વરસાદ થયો છે. જેમાં સૌથી વધુ વરસાદ વલસાડ જિલ્લાના વાપીમાં બે કલાકમાં 4 ઈંચ સાથે પડ્યો છે. વાપીમાં 3.9, મહુવા (સુરત)માં 1.9, સંખેડામાં 1.7, બોડેલીમાં 1.6, સુરત શહેરમાં 1.3, ધોરાજીમાં 1.3, ઉમરગામમાં 1.3, ભરૂચમાં 1.2 ઇંચ વરસાદ નોંધાયો છે.

અમદાવાદમાં વરસાદ શરૂ થયો છે

હવામાન વિભાગની આગાહી વચ્ચે આજે અમદાવાદમાં વરસાદ શરૂ થયો છે. એસજી હાઈવે, પ્રહલાદ નગર, મકરબા સહિતના વિસ્તારોમાં વરસાદ શરૂ થયો છે.

10.30 AM

હવામાન વિભાગે આગામી સાત દિવસ દરમિયાન રાજ્યમાં સાર્વત્રિક વરસાદની આગાહી કરી છે. જ્યાં રાજ્યના કેટલાક ભાગોમાં ભારેથી અતિભારે વરસાદની સંભાવના છે.

9:44 એએમ

આ જિલ્લામાં મેઘેશ્વરી

સુરત અને વલસાડમાં વહેલી સવારથી વરસાદ પડી રહ્યો છે. આ ઉપરાંત નવસારી શહેર સહિત જિલ્લામાં વરસાદી માહોલ જામ્યો છે. વાવણી માટે યોગ્ય વરસાદ થતાં ખેડૂતો પણ ખુશ છે.

9:02 AM

અમરેલી જિલ્લામાં ભારે વરસાદ

See also

Gujarat

માળિયા મિંયાણામાં રમાય છે ખૂની ખેલ : જૂથ અથડામણમાં ફાયરિંગમાં યુવકનું મોત, પોલીસનો દરોડો

અમરેલી જિલ્લામાં આજે (29મી જૂન) સવારથી મુશળધાર વરસાદ પડી રહ્યો છે. બાબરા, લીલીયા, બગસરા તાલુકામાં ભારે વરસાદ પડી રહ્યો છે. ખાંભા શહેર અને ગામડાઓમાં વરસાદ વરસ્યો છે. લાઠી શહેર અને તાજપર, રામપુર સહિત આસપાસના ગામોમાં વરસાદ વરસી રહ્યો છે. કુકાવાવના અમરાપુર સહિતના ગ્રામ્ય વિસ્તારોમાં વરસાદ છે.

આ પણ વાંચોઃ અમદાવાદીઓ ફરી એકવાર ભીંજાવા માટે તૈયાર રહે, હવામાન વિભાગે કરી ભારે વરસાદની આગાહી

ધારજીમાં વહેલી સવારથી વરસાદ

હવામાન વિભાગની આગાહી વચ્ચે ધોરાજીમાં વહેલી સવારથી વરસાદનું આગમન થયું છે. ગાજવીજ સાથે વરસાદનું આગમન થયું છે. ધોરાજીના ગ્રામ્ય વિસ્તારોમાં ભારે વરસાદથી સુપેડી, નાની વાવડી, મોટી વાવડી અને તોરણીયા સહિતના ગામોમાં પાણી ભરાયા હતા.

આ પણ વાંચોઃ દિલ્હી એરપોર્ટ બાદ રાજકોટ એરપોર્ટ પર મોટી દુર્ઘટના

રાજ્યના 191 તાલુકામાં છેલ્લા 24 કલાકમાં વરસાદ

રાજ્યના 191 તાલુકાઓમાં છેલ્લા 24 કલાકમાં વરસાદ નોંધાયો છે. જેમાં સૌથી વધુ વરસાદ ભાવનગરના મહુવામાં પડ્યો છે. જામનગરના ધ્રોલમાં 2.5 ઈંચ વરસાદ નોંધાયો છે. વલસાડના ઉમરગામ અને ભરૂચના વાગરામાં 2 ઈંચથી વધુ વરસાદ નોંધાયો છે. જ્યારે 31 તાલુકાઓમાં 1 ઈંચથી વધુ વરસાદ નોંધાયો છે. રાજ્યમાં સિઝનનો સરેરાશ 9.25 ટકા વરસાદ નોંધાયો છે. કચ્છમાં સૌથી વધુ 14.60 ટકા વરસાદ નોંધાયો છે. બીજી તરફ ઉત્તર ગુજરાતમાં સૌથી ઓછો 4.24 ટકા વરસાદ નોંધાયો છે.