ગુજરાત વરસાદ અપડેટ: ગુજરાતમાં છેલ્લા કેટલાક દિવસોથી સૌરાષ્ટ્ર સહિતના વિસ્તારોમાં મુશળધાર વરસાદ પડી રહ્યો છે. રાજ્યમાં છેલ્લા 24 કલાકમાં 150 તાલુકાઓમાં વરસાદ નોંધાયો છે. જેમાં વલસાડના ઉમરગામમાં 8 ઈંચથી વધુ, સુરતના પલસાણામાં 5 ઈંચથી વધુ વરસાદ થયો છે. જ્યારે તાપીમાં નિઝરમાં 5 ઈંચથી વધુ, સુરતમાં મહુવામાં 5 ઈંચ, નવસારીમાં 5 ઈંચ, ભરૂચમાં અંકલેશ્વરમાં 4 ઈંચથી વધુ, વલસાડના પારડીમાં 4 ઈંચથી વધુ, સુરતના ઓલપાડમાં 4 ઈંચથી વધુ વરસાદ નોંધાયો છે.
સુરતના અનેક વિસ્તારોમાં પાણી ભરાયા હતા
સુરતમાં ભારે વરસાદના કારણે અનેક વિસ્તારોમાં પાણી ભરાયા હતા. શહેરમાં પાંચ ઈંચથી વધુ વરસાદ નોંધાયો છે. ભારે વરસાદને કારણે શહેરની મોટાભાગની ખાનગી શાળાઓ સહિત ગ્રાન્ટેડ શાળાઓમાં રજા જાહેર કરવામાં આવી છે. આ ઉપરાંત વરાછા મેઈન રોડ પરની દુકાનોમાં પણ વરસાદી પાણી ઘુસી ગયા હતા.
હવામાન વિભાગની આગાહી
રાજ્યમાં સૌરાષ્ટ્રના અનેક વિસ્તારોમાં પૂર જેવી સ્થિતિ સર્જાઈ છે ત્યારે હવામાન વિભાગે આગામી દિવસોમાં રાજ્યમાં ભારેથી અતિભારે વરસાદની આગાહી કરી છે. જેમાં આજે (22 જુલાઈ) સૌરાષ્ટ્ર સહિત દક્ષિણ ગુજરાતના છ જિલ્લાઓમાં રેલ એલર્ટ જાહેર કરવામાં આવ્યું છે. આ સાથે ઓરેન્જ એલર્ટના પગલે જૂનાગઢ, રાજકોટ, બોટાદ, આણંદ, વડોદરા, છોટા ઉદેપુર, તાપી, ડાંગ, નવસારી, વલસાડ જિલ્લામાં મુશળધાર વરસાદની આગાહી કરવામાં આવી છે. આ ઉપરાંત મધ્ય ગુજરાત અને ઉત્તર ગુજરાતના 13 જિલ્લાઓમાં યલો એલર્ટ જાહેર કરવામાં આવ્યું છે.
આ પણ વાંચોઃ સૌરાષ્ટ્ર-કચ્છમાં મેઘરાજા ત્રાટક્યા, ઉત્તર-મધ્ય ગુજરાતમાં પડી, જાણો કેટલો વરસાદ થયો
23મી જુલાઈની આગાહીઓ
આ દિવસે સૌરાષ્ટ્ર, દક્ષિણ અને ઉત્તર ગુજરાતના 14 જિલ્લાઓમાં ઓરેન્જ એલર્ટ જાહેર કરવામાં આવ્યું છે. જેમાં ઉત્તર ગુજરાતના સાબરકાંઠા, અરવલ્લી, મહિસાગર, દાહોદ, પંચમહાલ, સૌરાષ્ટ્ર અને ભાવનગર, દેવભૂમિ દ્વારકા, પોરબંદર, જૂનાગઢ, અમરેલી, ગીર સોમનાથ, જામનગર જિલ્લામાં છૂટાછવાયા વિસ્તારોમાં ભારે વરસાદની આગાહી કરવામાં આવી છે. જ્યારે દક્ષિણ ગુજરાતના નવસારી અને ડાંગ જિલ્લામાં ઓરેન્જ એલર્ટ જાહેર કરવામાં આવ્યું છે. આ સિવાય રાજ્યના 19 જિલ્લામાં યલો એલર્ટ જાહેર કરવામાં આવ્યું છે. હવામાન વિભાગ દ્વારા કચ્છ, મોરબી, સુરેન્દ્રનગર, પાટણ, બનાસકાંઠા, મહેસાણા, અમદાવાદ, બોટાદ, રાજકોટ, આણંદ, ભરૂચ, વડોદરા, નર્મદા, તાપી, ડાંગ, સુરત, ગાંધીનગર અને અન્ય જિલ્લાઓમાં ભારેથી અતિભારે વરસાદની આગાહી કરવામાં આવી છે.
ગુજરાતમાં સિઝનનો 38.28 ટકા વરસાદ પડી ચૂક્યો છે
ઉલ્લેખનીય છે કે ગુજરાતમાં સિઝનનો 38.28 ટકા વરસાદ સરેરાશ 13.30 ઈંચ નોંધાયો છે. છેલ્લા 3 વર્ષમાં 21મી જુલાઈ સુધી રાજ્યમાં આ સૌથી ઓછો વરસાદ છે. 21મી જુલાઈ સુધી 2022માં 60.22 ટકા અને 2023માં 91.92 ટકા વરસાદ પડ્યો હતો. વરસાદની વાત કરીએ તો ગુજરાતમાં વિપરીત ચિત્ર જોવા મળી રહ્યું છે. સૌરાષ્ટ્ર અને કચ્છમાં 50 ટકાથી વધુ વરસાદ થયો છે. જ્યારે ઉત્તર અને મધ્ય ગુજરાતમાં હજુ 25 ટકા પણ વરસાદ પડ્યો નથી.
