સુરત ડિમોલિશન : સુરત મહાનગરપાલિકાના લિંબાયત ઝોનમાં આવેલ મારુતિનગરથી મદીના મસ્જિદ રોડ 18 મીટરનો છે પરંતુ તેના પર દબાણો થતા આ રસ્તો સાંકડો થઈ રહ્યો છે. ઘણા સમયથી ફરિયાદ હતી પરંતુ તેમાંથી દબાણ હટાવવાની કોઈ કામગીરી કરવામાં આવતી ન હતી. માથાભારે તત્વો આ વિસ્તારમાં દબાણ કરતા હોવાથી પાલિકાએ પોલીસ બંદોબસ્ત રાખીને દબાણ હટાવવાની કામગીરી હાથ ધરી હતી. પાલિકા દ્વારા આ દબાણ હટાવવાની સાથે લિંબાયત વિસ્તારમાં લાંબા સમયથી ચાલી આવતી સમસ્યાનો અંત આવ્યો છે. આ રોડ પર દુકાનોની બહાર બાંધેલા તંબુઓ જેસીબીની મદદથી તોડી પાડવામાં આવ્યા હતા.
