 |
|
ડીડી ન્યૂઝ |
ગુજરાત વરસાદ અને હવામાન અપડેટ્સ | ગુજરાતમાં હજુ પણ ભારે વરસાદ પડી રહ્યો છે. વડોદરામાં પૂર જેવી સ્થિતિ સર્જાઈ છે, જ્યારે દેવભૂમિ દ્વારકામાં વરસાદે સ્થિતિ વધુ વણસી છે. અહીં ભાણવડમાં 12 ઈંચ જેટલો વરસાદ પડતા જળબંબાકારની સ્થિતિ સર્જાઈ હતી. જ્યારે આજે સવારથી કચ્છના અનેક વિસ્તારોમાં સરેરાશ 3 ઈંચ વરસાદ પડતા જનજીવન અસ્તવ્યસ્ત થઈ ગયું છે.
હવામાન વિભાગ તરફથી નવીનતમ અપડેટ
હવામાન વિભાગ દ્વારા બહાર પાડવામાં આવેલ છેલ્લી માહિતી મુજબ છેલ્લા 24 કલાકમાં દ્વારકાના ભાણવડમાં સૌથી વધુ 11 થી 12 ઈંચ વરસાદ નોંધાયો છે. ત્યાર બાદ કચ્છના અબડાસાનો વારો આવ્યો હતો, જ્યાં 11 ઈંચ વરસાદ પડતા સર્વત્ર જળબંબાકાર જેવી સ્થિતિ સર્જાઈ હતી. બીજી તરફ કલ્યાણપુરમાં 10.50 ઈંચ વરસાદથી પાણી ભરાઈ ગયા હતા.
આજે ક્યાં ક્યાં ભારે વરસાદ પડશે?
બીજી તરફ હવામાન વિભાગના જાણકારોના જણાવ્યા મુજબ આજે પણ ગુજરાતના અનેક વિસ્તારોમાં રેડ એલર્ટની સ્થિતિ છે. ખાસ કરીને સૌરાષ્ટ્ર અને કચ્છમાં ભારે વરસાદનું રેડ એલર્ટ જાહેર કરવામાં આવ્યું છે જ્યારે અન્ય વિસ્તારોમાં વરસાદનું યલો એલર્ટ જાહેર કરવામાં આવ્યું છે.
