અમદાવાદ વરસાદ : ગુજરાતમાં આજે અનેક જિલ્લાઓમાં મુશળધાર વરસાદે સૌને દોડાદોડી કરી દીધી છે, જ્યારે અમદાવાદમાં પણ મેઘરાજા સાંબેલાધાર છલકાયા છે. આજના વરસાદની સૌથી મોટી વાત એ છે કે અમદાવાદ મ્યુનિસિપલ કોર્પોરેશન દ્વારા 40 દિવસમાં સૌથી ઝડપી ગતિએ બનાવેલ એરપોર્ટથી ઈન્દિરા બ્રિજ સુધીનો આઈકોનિક રોડ નદીમાં ફેરવાઈ ગયો છે. વાઈબ્રન્ટ સમિટ અગાઉ એમસી દ્વારા પબ્લિક પ્રાઈવેટ પાર્ટનરશીપના ધોરણે આશરે રૂ.ના ખર્ચે યોજવામાં આવી હતી. ઇન્દિરાબ્રિજ સર્કલથી તાજ સર્કલ સુધીનો 1.7 કિમીનો આઇકોનિક રોડ 55 કરોડના ખર્ચે માત્ર 40 દિવસમાં બનાવવામાં આવ્યો હતો.

શહેરના અનેક વિસ્તારોમાં પાણી ભરાયા હતા

દરમિયાન આજે શહેરભરમાં પડેલા ભારે વરસાદને કારણે વિકાસ રૂંધાઈ ગયો હોય તેવી સ્થિતિ સામે આવી છે. શહેરમાં આજે સવારે એકાએક હવામાનમાં આવેલા પલટાને પગલે ભારે વરસાદ ખાબક્યો હતો, જેમાં માત્ર એક ઇંચ વરસાદમાં શહેરના અનેક વિસ્તારો નદીઓમાં ફેરવાયા હતા. શહેરના અમદુપુરા, બાપુનગર, દરિયાપુર સહિતના વિસ્તારોના રહીશો પણ પાણી ભરાતા વાહન ચાલકો સહિત મુશ્કેલીમાં મુકાયા હતા.

રાજ્યમાં પાંચ દિવસ વરસાદની આગાહી

ગુજરાતમાં સક્રિય વરસાદી સિસ્ટમના કારણે આગામી પાંચ દિવસ દરમિયાન રાજ્યમાં ભારેથી અતિભારે વરસાદની આગાહી વચ્ચે સોમવારે બપોરે અમદાવાદના વિવિધ વિસ્તારોમાં ભારે વરસાદ થયો હતો. બપોર બાદ ગાજવીજ સાથે શરૂ થયેલા વરસાદને કારણે લોકો પરેશાન થઈ ગયા હતા. ખાસ કરીને શાળામાં રજાનો સમય હોવાથી વિદ્યાર્થીઓ હેરાન પરેશાન થઈ ગયા હતા. પૂર્વ અમદાવાદના ઉત્તર ઝોનમાં ભારે વરસાદને કારણે અંડર પાસ વિસ્તારમાં પાણી ભરાઈ ગયા હતા. જેના કારણે રસ્તાઓ બંધ થઈ ગયા હતા. એક સાથે ત્રણ સિસ્ટમ સક્રિય થતા હવામાન વિભાગ દ્વારા રાજ્યમાં ભારે વરસાદની આગાહી કરવામાં આવી છે.

અચાનક મેઘરાજા ત્રાટકતા વાહનચાલકો પરેશાન

બપોર બાદ શરૂ થયેલા વરસાદને પગલે શાહીબાગ, મણિનગર, સાબરમતી, ચાંદખેડા, ન્યુ રાણીપ, જગતપુર, નરોડા, સરદારનગર, કોતરપુર, એરપોર્ટ, ઈન્દિરાબ્રિજ સહિતના વિસ્તારોમાં ધોધમાર વરસાદ શરૂ થયો હતો. શહેરના પૂર્વ વિસ્તારમાં હીરાવાડી, બાપુનગર, કુબેરનગર, સરદારનગર એરપોર્ટ વિસ્તારમાં પણ જળબંબાકારના દ્રશ્યો જોવા મળ્યા હતા. તેમજ પૂર્વમાં પશ્ચિમ અમદાવાદના આશ્રમ રોડ, ઉસ્માનપુરા, જમાલપુર, લાલદરવાજા, પાલડી, ઈન્કમટેક્ષ, વાડજ, રિવરફ્રન્ટ સહિતના વિસ્તારોમાં ભારે પવન સાથે વરસાદ પડ્યો હતો. ભારે વરસાદના કારણે પાણી ભરાવાના કારણે લોકોના વાહનો અટવાયા હતા.

આ પણ વાંચો

• અમદાવાદમાં વરસાદને કારણે વિદ્યાર્થીઓ ફસાયા, અંડરપાસ વિસ્તારોમાં પાણી ભરાયા

• અમદાવાદમાં લાંબા વિરામ બાદ મેઘરાજાની પધરામણી, નારોલથી જુહાપુર સુધી જળબંબાકાર

• અંબાલાલ ગુજરાતમાં ભારે વરસાદની આગાહી, આ જિલ્લામાં ખૂબ ભારે વરસાદ

• વડોદરા શહેરમાં બપોરથી ભારે વરસાદ શરૂઃ સર્વત્ર પાણી ભરાયા.

• હવામાન વિભાગનું લેટેસ્ટ અપડેટ, ગુજરાત સહિત આ રાજ્યો થશે પાણી-પાણી! મુંબઈમાં રેડ એલર્ટ