સિંહ દર્શન કરનારા પ્રવાસીઓ નોંધ લે: સાસણ ગીર અભયારણ્ય ચાર મહિના બંધ રહેશે
અપડેટ કરેલ: 14મી જૂન, 2024
ગીર રાષ્ટ્રીય ઉદ્યાન: સાસણ ગીરમાં સિંહનું વેકેશન શરૂ થઈ રહ્યું છે. સાસણ ગીર અભયારણ્ય 16મી જૂનથી 15મી ઓક્ટોબર સુધી બંધ રહેશે. ચોમાસાની સિઝનને ધ્યાનમાં રાખીને સાસણ ગીર અભયારણ્ય ચાર મહિના માટે પ્રવાસીઓ માટે બંધ રહેશે. જો કે દેવલિયા સફારી પાર્ક ખુલ્લો રહેશે. આ સફારી પાર્કની મુલાકાત લેતા પ્રવાસીઓ સત્તાવાર વેબસાઇટ પરથી ઓનલાઈન બુકિંગ પણ કરી શકે છે.
ચોમાસાની ઋતુ સિંહ સહિતના વન્ય પ્રાણીઓ માટે સંવનનની મોસમ હોવાથી સાસણના જંગલમાં વન્ય પ્રાણીઓને પરેશાન ન થાય તે માટે ચાર મહિનાનું ચોમાસુ વેકેશન છે. નોંધનીય છે કે વર્ષ 2023માં 1.95 લાખ પ્રવાસીઓએ જંગલ સફારી અને 6.88 લાખ પ્રવાસીઓએ દેવડિયા પાર્કની મુલાકાત લીધી હતી. જંગલ સફારી જોવા માટે દેશભરમાંથી લોકો આવે છે.
