CA ફાઇનલ પરિણામ જાન્યુઆરી 2026: ICAI એ જાન્યુઆરી 2026માં લેવાયેલી CA ફાઈનલ પરીક્ષાનું પરિણામ આજે (2 માર્ચ, 2026) જાહેર કર્યું છે. આ વર્ષે દેશનું એકંદર પરિણામ 10.97% છે, જે સામાન્ય વર્ષો કરતાં નોંધપાત્ર રીતે ઓછું છે. જો કે, અમદાવાદ ચેપ્ટરનું પરિણામ 13.86% સાથે રાષ્ટ્રીય સરેરાશ કરતાં ચડિયાતું છે.
અમદાવાદના હર્ષ સોનારાએ દેશમાં 9મો રેન્ક મેળવ્યો છે
આ વર્ષના પરિણામમાં અમદાવાદના વિદ્યાર્થીઓએ રાષ્ટ્રીય કક્ષાએ સારો દેખાવ કર્યો છે. જેમાં હર્ષ સોનારાએ સમગ્ર દેશમાં 9મો રેન્ક મેળવી અમદાવાદનું નામ રોશન કર્યું છે. નમિશ શાહે ઓલ ઈન્ડિયા લેવલ પર 27મો રેન્ક મેળવ્યો છે.
આ પણ વાંચોઃ CA ફાઈનલના પરિણામો જાહેર, વડોદરાના પાંચ વિદ્યાર્થીઓ પ્રથમ વખત દેશના ટોપ-50માં
અમદાવાદ કેન્દ્રના આંકડાઓ પર નજર કરીએ તો, ગ્રુપ 1માં 872 વિદ્યાર્થીઓમાંથી 178 અને ગ્રુપ 2માં 406 વિદ્યાર્થીઓમાંથી 18 વિદ્યાર્થીઓ પાસ થયા છે. આ ઉપરાંત, બંને જૂથની એકસાથે પરીક્ષા આપનારા 635 વિદ્યાર્થીઓમાંથી 88 વિદ્યાર્થીઓ સફળતાપૂર્વક પાસ થયા છે.