અમદાવાદ ક્રાઈમ ન્યૂઝ: અમદાવાદના મણિનગરમાં કાંકરિયા ફૂટબોલ ગ્રાઉન્ડ પાસે ગત (14મી જાન્યુઆરી) રાત્રે ખૂની રમત રમાઈ હતી. અગાઉની લડાઈની અદાવત રાખીને કેટલાક લોકોએ યુવકની ઘાતકી હત્યા કરી નાખી હતી. ઘટનાની જાણ થતાં જ કાગડાપીઠ અને મણિનગર પોલીસનો કાફલો ઘટનાસ્થળે દોડી ગયો હતો અને આરોપીને પકડવા સમગ્ર વિસ્તારને કોર્ડન કરી લીધો હતો.
જાણો શું છે સમગ્ર મામલો
આ મામલે અમરાઈવાડીમાં રહેતા 23 વર્ષીય રાહુલ રાઠોડે પોલીસ ફરિયાદ નોંધાવી છે. રાહુલે મંથન ઉર્ફે રૂત્વિક પરમાર અને જયદીપ શાહ, હર્ષિલ શાહ અને વિજય ઉર્ફે વીપી પર તેના નાના ભાઈ ચિરાગની હત્યાનો આરોપ લગાવ્યો હતો. પરમાર સામે ફરિયાદ નોંધાઈ છે. આ શખ્સોએ સમાધાનના બહાને ચિરાગ પર હુમલો કર્યો હતો.
આ પણ વાંચોઃ ગોંડલમાં ઉત્તરાયણમાં લોહિયાળ ઘટના: પતંગ ઉડાડવાના મુદ્દે બે પરિવારોમાં મારામારી, યુવકનું મોત
ઉત્તરાયણ રાત્રે લગભગ 9.45 વાગ્યે આ ખૂની યુક્તિ રમી હતી. આરોપી મંથન અને તેના મિત્રોએ પૂર્વ આયોજિત કાવતરું ઘડ્યું હતું. મંથને અગાઉની લડાઈની દુશ્મનાવટનું સમાધાન કરવા ચિરાગ રાઠોડ અને તેના મિત્ર નયનને કાંકરિયા ફૂટબોલ ગ્રાઉન્ડ પર બોલાવ્યા હતા.
ચિરાગ અને નયન ત્યાં પહોંચતા જ આરોપીઓએ તેમની સાથે બોલાચાલી અને ઝઘડો શરૂ કર્યો હતો. અચાનક મામલો વધી ગયો અને ચારેય શખ્સોએ ભેગા મળી ચિરાગને લાકડીઓ વડે માર મારવાનું શરૂ કર્યું. આ દરમિયાન ઉશ્કેરાયેલા મંથને પોતાની પાસે રહેલ છરી કાઢીને ચિરાગને શરીરના જમણા ભાગે ઘા મારી દીધો હતો. ગંભીર રીતે ઘવાયેલા ચિરાગનું ઘટનાસ્થળે જ મોત થયું હતું. સમગ્ર ઘટનાના સાક્ષી તરીકે નયન અને ગૌરાંગ મકવાણા સહિતના મિત્રો હાજર રહ્યા હતા. હાલ પોલીસે હત્યાનો ગુનો નોંધી ફરાર આરોપીની શોધખોળ હાથ ધરી છે.
