આંતરરાષ્ટ્રીય AI સ્પર્ધા દુબઈ: સુરત મહાનગરપાલિકા સંચાલિત સુમન હાઈસ્કૂલમાં આર્ટિફિશિયલ ઈન્ટેલિજન્સ (AI), રોબોટિક્સ, ડ્રોન, 3-D પ્રિન્ટિંગ અને AR-VR ટેકનોલોજીનું અદ્યતન ટેકનોલોજીનું શિક્ષણ આપવામાં આવી રહ્યું છે. પાલિકાનો આ પ્રયાસ સફળ થતો જોવા મળી રહ્યો છે. થોડા સમય પહેલા, સુમન હાઈસ્કૂલના વિદ્યાર્થીઓએ WSRO અમદાવાદ 2025માં નોંધપાત્ર સફળતા હાંસલ કરી હતી. સફળતા મેળવનાર બે વિદ્યાર્થીઓ હવે આંતરરાષ્ટ્રીય સ્તરે સ્પર્ધામાં ભાગ લેવા જઈ રહ્યા છે. આ માત્ર વિદ્યાર્થીઓના પરિવારો માટે જ નહીં પરંતુ સુમન સ્કૂલ અને નગરપાલિકા માટે પણ મહત્વની સિદ્ધિ હશે.
સુરત મહાનગરપાલિકા સંચાલિત સુમન સ્કૂલમાં વિદ્યાર્થીઓને અદ્યતન ટેક્નોલોજીનું જ્ઞાન મળી રહે તે માટે પાલિકા દ્વારા સુમન સ્કૂલ તેમજ ખાનગી સ્કૂલોમાં AI ટેક્નોલોજી બેઝ નોલેજ પીરસવામાં આવે છે. મ્યુનિસિપલ શાળામાં આ પ્રકારના શિક્ષણ બાદ અમદાવાદ ખાતે WSRO સ્પર્ધાનું આયોજન કરવામાં આવ્યું હતું. જેમાં પાલિકાની સુમન સ્કૂલના 106 વિદ્યાર્થીઓએ ભાગ લીધો હતો.
સુરતની સુમન હાઈસ્કૂલની 51 ટીમોના 132 વિદ્યાર્થીઓએ ભાગ લીધો હતો, જેમાંથી 12 ટીમના 34 વિદ્યાર્થીઓએ ઈનામ જીતીને રાષ્ટ્રીય સ્પર્ધા માટે ક્વોલિફાય કર્યું હતું. હવે સુરત મ્યુનિસિપાલિટી દ્વારા આપવામાં આવેલ AI એજ્યુકેશનને કારણે મ્યુનિસિપલ સ્કૂલની છોકરીઓની ઈન્ટરનેશનલ ફ્લાઈટ થઈ છે.
અમદાવાદ ખાતે યોજાયેલી આ સ્પર્ધામાં મ્યુનિસિપલ સ્કૂલના બે વિદ્યાર્થીઓ યંગ સાયન્ટિસ્ટ-એનર્જી કેટેગરીમાં પસંદગી પામ્યા છે. જેમાં બામરોલી ભીડભંજન સોસાયટીની શાળા નંબર 14માં ધોરણ 10માં અભ્યાસ કરતા તન્નુ પ્રમોદ સહાની અને સ્નેહાજી રાજકુમાર સિંહની પસંદગી કરવામાં આવી છે. આંતરરાષ્ટ્રીય કક્ષાની સ્પર્ધા દુબઈમાં યોજાશે અને સુરતના આ બે વિદ્યાર્થીઓ તેમાં ભાગ લેવા જશે. જેમાં તન્નુના પિતા વ્યવસાયે ઈલેક્ટ્રીશિયન છે અને સ્નેહાજીના પિતા ડ્રાઈવર છે. સામાન્ય પરિવારમાંથી આવતા આ બે વિદ્યાર્થીઓની પસંદગી શાળા અને મ્યુનિસિપલ તંત્ર માટે ગૌરવની વાત બની હોવાનું મ્યુનિ. કમિશનરે આ વિદ્યાર્થીઓને અભિનંદન પાઠવ્યા હતા.
પાસપોર્ટ ઈસ્યુ કરવામાં શાળા અને ટ્રેનરે મહત્વની ભૂમિકા ભજવી હતી
સુરત મ્યુનિસિપાલિટી, પાંડેસરા, બમરોલી, સુમન સ્કૂલના ધોરણ 10 ના સામાન્ય પરિવારની બે દીકરીઓની દુબઈ ઈન્ટરનેશનલ કોમ્પિટિશન માટે પસંદગી થઈ છે. સામાન્ય પરિવારમાંથી આવતી આ બંને દીકરીઓ પાસે પાસપોર્ટ નહોતા અને પાસપોર્ટ માટેના પુરાવાઓમાં કેટલીક ઉણપ હતી. પરંતુ આ વિદ્યાર્થીનો પાસપોર્ટ ઝડપથી મેળવવામાં શાળા અને ટ્રેનરે મહત્વની ભૂમિકા ભજવી હતી.
ટ્રેનર કિંજલ પટેલ કહે છે કે આ બંને દીકરીઓ પણ સ્કોલરશિપની પરીક્ષામાં મેરિટમાં આવી હતી અને એઆઈ સહિત એજ્યુકેશનમાં અગ્રેસર હતી, તેથી તેમની પસંદગી પહેલા અમદાવાદ અને હવે દુબઈ માટે થઈ છે. 31 જાન્યુઆરીએ દુબઈમાં આંતરરાષ્ટ્રીય સ્પર્ધાનું આયોજન કરવામાં આવશે જેમાં બંને દીકરીઓ પહોંચશે.
આ બંને દીકરીઓ સામાન્ય પરિવારમાંથી આવે છે તેથી પાસપોર્ટ ન હતો અને પાસપોર્ટ કઢાવવા માટે જરૂરી પુરાવાઓના નામમાં કેટલાક ફેરફાર કરવામાં આવ્યા હતા. પરંતુ આ તમામ પ્રશ્નોનું શાળા દ્વારા ઝડપથી નિરાકરણ કરવામાં આવ્યું હતું જેના કારણે તે હવે સ્પર્ધામાં ભાગ લેવા દુબઈ જશે.
