SMC ની ચોમાસા પહેલાની કામગીરી: સુરતમાં વહેલી સવારથી વરસાદ પડી રહ્યો છે. સવારથી જ ઘેરા વાદળો છવાયા હતા અને અચાનક વરસાદ શરૂ થયો હતો. જેના કારણે કામ પર જતા લોકોની હાલત કફોડી બની હતી. આ વરસાદમાં પોલીસ સ્ટેશનની આસપાસ ઉતરાણ વિસ્તારમાં પાણી ભરાઈ ગયા હતા. આ ઉપરાંત રોડ પર પાણી ભરાઈ જતાં વાહન ચાલકોને પણ મુશ્કેલીનો સામનો કરવો પડ્યો હતો.

હવામાનની આગાહી વચ્ચે આજે સવારે સુરતમાં વરસાદ પડતાં લોકોને ગરમીમાંથી રાહત મળી હતી. જો કે આ વરસાદમાં પાલિકાના નીચાણવાળા વિસ્તારમાં પાણી ભરાયા હતા. ઉતરાણ પોલીસ દ્વારા જપ્ત કરાયેલા વાહનો પાણીમાં ગરકાવ થઈ ગયા હતા. આ વિસ્તારમાં અવર-જવર કરતા લોકોને મુશ્કેલી વેઠવી પડી હતી.