જામનગર જુગાર દરોડો : જામનગર જિલ્લાના લાલપુર તાલુકાના બાંગોર ગામે જાહેર સ્થળે જુગાર રમતા 6 શખ્સોને પોલીસે રંગેહાથ ઝડપ્યા છે. લાલપુર પોલીસે પાડેલા દરોડામાં રોકડ સહિત કુલ 84 હજારની કિંમતનો મુદ્દામાલ કબજે કરવામાં આવ્યો છે.
પ્રાપ્ત માહિતી અનુસાર, આરોપીઓ બાંગોર ગામના બસ સ્ટેન્ડ પાસે ગંજીપટ્ટા વડે “તીન પત્તી” નામનો જુગાર રમતા હતા. પોલીસને મળેલી બાતમીના આધારે કાર્યવાહી કરીને રાત્રે દરોડો પાડવામાં આવ્યો હતો, જેમાં આરોપીઓને ઝડપી લેવામાં આવ્યા હતા.
પકડાયેલા આરોપીઓમાં ગોગનભાઈ ભીખાભાઈ ગોજીયા, રાકેશભાઈ પ્રફુલભાઈ હિરાણી, જેન્તીભાઈ ખીમજીભાઈ મેરાણી, મનોજભાઈ જમનભાઈ વાજા, પોપટભાઈ રામાભાઈ ગાગીયા અને હેમંતભાઈ જેરાજભાઈ હિરાણીનો સમાવેશ થાય છે.
પોલીસે સ્થળ પરથી રૂ. 14,080 રોકડા, બેંક કાર્ડ, 6 મોબાઇલ ફોન અને 2 મોટરસાઇકલ મળી કુલ રૂ. 84,080નો મુદ્દામાલ કબજે કર્યો હતો. આ અંગે લાલપુર પોલીસ મથકે જુગાર ધારાની કલમ 12 મુજબ ગુનો નોંધી આગળની કાર્યવાહી હાથ ધરી છે.