અમદાવાદ,સોમવાર, ડિસેમ્બર 22, 2025
અમદાવાદમાં બેવડી ઋતુના કારણે વાયરલ ફીવર સહિતની ઠંડી,ખાંસી જેવા વિવિધ રોગોના દર્દીઓની સંખ્યા સતત વધી રહી છે. કોર્પોરેશન સંચાલિત શહેરી અને સામુહિક આરોગ્ય કેન્દ્રોમાં 1500 થી વધુ વાયરલ કેસ નોંધાઈ રહ્યા છે. શહેરના 87 શહેરી આરોગ્ય કેન્દ્રો અને 12 સામુહિક આરોગ્ય કેન્દ્રોમાંથી બહાર પાડવામાં આવેલા આંકડા મુજબ, દસ હજારથી વધુ દર્દીઓ નિદાન અને સારવાર માટે આવી રહ્યા છે. આરોગ્ય વિભાગ શહેરની તમામ હોસ્પિટલોના ડેટા એકત્ર કરીને પ્રસિદ્ધ કરવામાં અસમર્થ સાબિત થઈ રહ્યું છે.
મ્યુનિસિપલ કમિશનરે વારંવાર આરોગ્ય વિભાગના ઈન્ચાર્જ મેડિકલ ઓફિસરને ખાસ કરીને શહેરના પૂર્વ વિસ્તારમાં મચ્છરજન્ય અને પાણીજન્ય રોગચાળાના સાચા આંકડા જાહેર કરવા સૂચના આપી છે. ,
ઉત્તર અને દક્ષિણ ઝોનમાં વિવિધ રોગોના દર્દીઓની સંખ્યા વધી રહી હોવાથી તેને ધ્યાને લઈ કમિશનરે 26 હોટસ્પોટ વિસ્તારો જાહેર કર્યા છે. તે સ્થળો પર કોર્પોરેશનના ઈજનેરી વિભાગ સાથે સંકલનમાં રહીને કામ કરવા આરોગ્ય વિભાગને પણ સૂચના આપવામાં આવી છે. જોકે, અગમ્ય કારણોસર આરોગ્ય વિભાગ રોગચાળાના સાચા આંકડા જાહેર કરી રહ્યું નથી.,
કોર્પોરેશનની પોલિસી મુજબ તમે દર અઠવાડિયે નક્કી કરેલા રોગચાળાના આંકડા જાહેર કરો, જેથી લોકો રોગચાળા વિશે જાગૃત થઈ શકે.
21 દિવસમાં 45 ડેન્ગ્યુ,કોલેરાના કેસ
કોર્પોરેશનના આરોગ્ય વિભાગ દ્વારા જારી કરાયેલા રોગચાળાના આંકડાઓ મુજબ,ડિસેમ્બરના 21 દિવસમાં મેલેરિયાના 6,
ઝેરી મેલેરિયા 4, ડેન્ગ્યુના 45 કેસ નોંધાયા છે. પાણીયુક્ત ઝાડા અને ઉલટીના 172, કમલાના 102,
અમરાઇવાડી વોર્ડમાં ટાઇફોઇડના 112 અને કોલેરાના એક કેસ નોંધાયા છે. પાણીના સેમ્પલ લઈને કરાયેલા રહેણાંકના ક્લોરીન ટેસ્ટમાં પાંચ સેમ્પલના ક્લોરિન રિપોર્ટ આવ્યા છે. છ પાણીના સેમ્પલ અનફીટ એટલે કે પીવાલાયક ન હોવાનો રિપોર્ટ આવ્યો હતો.