પથ્થરમારાના કારણે એક વ્યક્તિ ઘાયલ, વાહનોને ભારે નુકસાન
ગામમાં ફરી કોઈ બનાવ ન બને તે માટે ચુસ્ત પોલીસ બંદોબસ્ત ગોઠવાયો : નવ શખ્સો સામે ફરિયાદ
બગોદરા – 10-02-2026 બાવળા તાલુકાના ઝેકડા ગામે, સોમવારે સાંજે, બે કોમ વચ્ચે કારમાં મોટેથી ગીતો વગાડવા જેવી સરળ બાબતને લઈને હિંસક અથડામણ થઈ હતી. આ મામલે કેરળ જીઆઈડીસી પોલીસ સ્ટેશનમાં બંને પક્ષે સામ-સામે ફરિયાદ નોંધાઈ છે. ગામમાં લડાઈ દરમિયાન ગોળીબાર થયો હોવાની અફવા ફેલાઈ હતી, જોકે પોલીસે સ્પષ્ટતા કરી છે કે આવી કોઈ ઘટના બની નથી.
ફરિયાદી ચિરાગભાઇ બળદેવભાઇ ઠાકોરે નોંધાવેલી ફરિયાદ મુજબ તા, તેઓ દૂધ લેવા નીકળ્યા ત્યારે ગામના ચોકમાં રવિ અને હડક નામના શખ્સો કારમાં જોર જોરથી ગીતો વગાડી રહ્યા હતા. ગીતો ધીમા પાડવાનું કહીને મામલો બિચક્યો હતો. બાદમાં 8 જેટલા શખ્સોએ ચિરાગભાઈની સ્વીફ્ટ કાર (GJ-38-BG-2234) પર છરી અને લાકડીઓ વડે હુમલો કરી કાચ અને હેડલાઈટ તોડી નાખી હતી. આરોપીઓએ યુવકને જાનથી મારી નાખવાની ધમકી પણ આપી હતી. આ મામલે તેઓએ આઠ લોકો સામે ફરિયાદ નોંધાવી છે.
1. રવિ બળદેવભાઈ કોળી પટેલ
2. હાદકભાઈ મુનાભાઈ કોલીપટેલ
3. નવઘણભાઈ રામજીભાઈ કોલીપટેલ
4. મેહુલભાઈ નવઘનભાઈ કોલીપટેલ
5. જયેશભાઈ ગોવિંદભાઈ કોલીપટેલ
6. વિક્રમભાઈ ઈશ્વરભાઈ કોલીપટેલ
7. હિતેશભાઈ સામજીભાઈ ચૌહાણ (બલદાણા)
8. નવીનભાઈ રમણભાઈ મકવાણા (ભેટાવાડા)
સામા પક્ષે નવીનભાઇ રમણભાઇ મકવાણાએ ફરિયાદ નોંધાવી છે કે, ચિરાગભાઈ ઠાકોર પોતે જોરથી ટેપ વગાડતા હતા અને ટોકવા જતા હદકભાઈની કારની બારી તોડી નાખી હતી. આ બાબતે સમજાવવા જતાં ચિરાગભાઈ અને અન્ય શખ્સોએ પથ્થરમારો કર્યો હતો,
નવીનભાઈને માથામાં ગંભીર ઈજા થતાં હોસ્પિટલમાં ખસેડાયા છે. આ બાબતે તેઓએ (1) ચિરાગભાઈ બળદેવભાઈ ઠાકોર (અવસ્થા. ઝેકડા) તથા અન્ય 2-3 શખ્સો સામે ફરિયાદ નોંધાવી છે.
કેરળ જીઆઈડી પોલીસે બંને પક્ષોની ફરિયાદના આધારે વિવિધ કલમો હેઠળ કેસ નોંધ્યો છે. આ મામલે હેડ કોન્સ્ટેબલ રાજેન્દ્રસિંહ ડોડીયાએ વધુ તપાસ હાથ ધરી છે. હાલ ગામમાં ચુસ્ત પોલીસ બંદોબસ્ત ગોઠવી દેવામાં આવ્યો છે અને અફવાઓથી દૂર રહેવા અપીલ કરવામાં આવી છે. હાલમાં ગામમાં શાંતિપૂર્ણ માહોલ છે, પરંતુ હજુ પણ તણાવ જોવા મળી રહ્યો છે.