અમદાવાદ, બુધવાર
અમદાવાદના દરેક વિસ્તારના કોમર્શિયલ એરિયામાં અન્ય કોઈ દુકાન ખુલે કે ન ખુલે, સ્પા સેન્ટર ચોક્કસ ખુલે છે. જેમાં મસાજના નામે દેહવ્યાપારનો ધંધો પોલીસની દેખરેખ હેઠળ ચાલે છે. ત્યારે હવે સ્પામાં ખુદ પોલીસની માલિકી વધી છે. ત્યારે શહેરના સીજી રોડ પર આવેલા સ્પા નામના મસાજ પાર્લરમાં પીહુ નામની મહિલા સંચાલકે બહારના રાજ્યમાંથી વિદેશી યુવતીઓ અને યુવતીઓને થેરાપિસ્ટ તરીકે લાવીને મસાજના નામે દેહ વેચાણનો ધંધો શરૂ કર્યો છે. જેમાં ગ્રાહકને પોલીસ સાથે સીધું સેટિંગ કરાવવાની ખાતરી અપાતી હોવાનો વીડિયો વાયરલ થયો છે.
જેમાં શહેરના સ્પામાં કાર્યરત રિસેપ્શન દ્વારા ટોકન પે કાઉન્ટર પર 1500 થી 2000 જમા કરાવીને અને મસાજ રૂમમાં મોકલીને યુવતીઓ સહકારી હોવાની ખાતરી કરે છે. પરંતુ, તેઓ કહે છે કે સંપૂર્ણ સેવાની કિંમત અંદરની છોકરી દ્વારા નક્કી કરવામાં આવશે. સ્પા સેન્ટરમાં કામ કરતી યુવતી ગ્રાહકો પાસેથી 3500 થી 7000 વસૂલે છે. તે જ સમયે, રિસેપ્શન પરની છોકરી પણ ખાતરી આપે છે કે 100 નંબર અથવા 112 નંબર પર કોલ આવશે તો પણ પોલીસ ખસે નહીં.
સૂત્રોના જણાવ્યા અનુસાર, સ્પાની લેડી મેનેજર બહારથી છોકરીઓને લાવીને તેમને પગાર આપવાને બદલે ગ્રાહકો સાથે સીધો વ્યવહાર કરે છે અને છોકરીઓ ગ્રાહકો પાસેથી જે પૈસા લે છે તેના પર 20 ટકા કમિશન પણ લે છે. આમ, પગાર વગરની છોકરીઓ માટે વધુને વધુ ગ્રાહકો મળે તેવી વ્યવસ્થા ગોઠવવામાં આવી છે. સીજી રોડ જેવા પોશ વિસ્તારમાં આવતા ગ્રાહકો પણ હાઈપ્રોફાઈલ હોવાથી દરરોજ મોટા પાયે ધંધો થાય છે. આમ, પોલીસની આડકતરી ભાગીદારીથી મસાજ સેન્ટરના નામે કાળો કારોબાર બેરોકટોક ચાલી રહ્યો છે. જો કે આ વીડિયોના આધારે ગાંધીનગર સીઆઈડી ક્રાઈમની ટીમ દ્વારા તપાસ શરૂ કરવામાં આવી છે. જેના આધારે કાર્યવાહી હાથ ધરવામાં આવી છે.