કચ્છ સમાચાર: 8 ઓક્ટોબર, 2025ના રોજ આ દંપતી પાકિસ્તાનની રણ સરહદ ઓળંગીને કચ્છના રાપરના રતનપરના સરહદી ગામ ખાતે પહોંચ્યું હતું. પાકિસ્તાની દંપતીની જાણ ગ્રામજનોના ધ્યાનમાં આવતા બંનેને ખડીર પોલીસને સોંપવામાં આવ્યા હતા. પ્રાથમિક પૂછપરછમાં તેઓ સગીર હોવાનું અને એકબીજાના પ્રેમમાં હોવાનું જણાવ્યું હતું. જેમાં દંપતીના પરિવારજનોને મંજૂર ન હોવાથી તેઓ સરહદ પાર કરીને ભારત આવ્યા હતા. આ મામલે હવે 1 મહિના અને 10 દિવસ પછી પાકિસ્તાન છોડીને ભારતમાં પ્રવેશેલા પાકિસ્તાની દંપતી વિરુદ્ધ ગુનો નોંધવામાં આવ્યો છે.
પાકિસ્તાની દંપતી વિરુદ્ધ FIR દાખલ
રાપરના રતનપર ગામમાંથી પકડાયેલા પાકિસ્તાની દંપતીએ શરૂઆતમાં તેમની ઉંમર 15-16 વર્ષની હોવાનું જણાવ્યું હતું. જોકે ખડીર પોલીસે બંનેની અટકાયત કરી વધુ તપાસ હાથ ધરી છે. જેમાં ભુજની જીકે જનરલ હોસ્પિટલમાં તેમની ઉંમર નક્કી કરવા માટે કરાયેલ મેડિકલ ટેસ્ટમાં બંને પુખ્ત હોવાનું બહાર આવ્યું હતું.
ખડીર પોલીસે જણાવ્યું હતું કે ટોટો ઉર્ફે તારા રણમલ ચૂડી (ભીલ)ની ઉંમર 20 વર્ષથી વધુ હોવાનું જણાય છે, જ્યારે મીના ઉર્ફે પૂજા કરશન ચૂડી 18 થી 20 વર્ષની વચ્ચેની હોવાનું જણાય છે. આમ મેડિકલ ટેસ્ટમાં બંને સગીર ન હોવાનું બહાર આવ્યું હતું.
દંપતીએ પ્રાથમિક પૂછપરછમાં શું કહ્યું?
પ્રાથમિક પોલીસ પૂછપરછમાં દંપતીએ જણાવ્યું કે તેઓ ભીલ સમુદાયના છે અને પાકિસ્તાનના થરપારકર જિલ્લાના ઈસ્લામકોટ તાલુકાના લસારી ગામના વતની છે. બંને એક જ જ્ઞાતિના છે અને દૂરના સગા છે. તેમના પરિવારજનોને તેમના પ્રેમપ્રકરણ સામે વાંધો હોવાથી તેઓ રણની સરહદ ઓળંગીને કચ્છ-ભારતમાં પ્રવેશ્યા હતા.
આ પણ વાંચોઃ 16 વખત લગ્ન કર્યાઃ લગ્નબંધનની મજાક ઉડાવતા મહેસાણામાં દુલ્હન લૂંટારો અને દલાલની ધરપકડ
પૂર્વ કચ્છના એસપીએ જણાવ્યું હતું કે પાકિસ્તાની દંપતી સહિત અન્ય 15 લોકોની ધરપકડ કરવામાં આવી હતી. નાગરિકોને કોન્સ્યુલર એક્સેસ માટે દિલ્હી મોકલવામાં આવ્યા હતા. ભારતીય પાસપોર્ટ એક્ટ અને ફોરેનર્સ એક્ટની કલમો હેઠળ દંપતી વિરુદ્ધ કેસ નોંધવામાં આવ્યો છે. જ્યારે ભારતમાં ઘૂસણખોરીના મામલે દંપતીનો બ્રેઈન મેપિંગ ટેસ્ટ અને પોલીગ્રાફ કરવામાં આવશે.