અમદાવાદ, શુક્રવાર
પૂર્વ વિસ્તારના વટવા અને ઇસનપુર અને નારોલમાં છેલ્લા કેટલાક સમયથી યુવાનોને નશો કરવા ચરસ ગાંજા સહિતના નશાનું વેચાણ થઇ રહ્યું છે. ચોક્કસ બાતમીના આધારે નારોલ પોલીસે ગઈકાલે મોડી રાત્રે નારોલ કર્ણાવતી પોલીસ ચોકી પાસે, વોરા બિલ્ડીંગ પાસે કેનાલ પાસે, એક વ્યક્તિ પાસેથી રૂ. 5.76,500 57 ગ્રામ 650 મિલિગ્રામ એમડી ડ્રગ્સ મળી આવતા બે શખ્સો સામે ગુનો નોંધી વધુ તપાસ હાથ ધરી છે.
તે ડ્રગ્સ વેચવા આવતો હોવાની બાતમીના આધારે પોલીસે વોચ ગોઠવી, એક આરોપીને રંગે હાથે પકડી લીધો, બે લોકો સામે ગુનો નોંધી તપાસ શરૂ કરી.
નારોલ પોલીસને બાતમી મળી હતી કે એક વ્યક્તિ ડ્રગ્સ વેચવા માટે આવી રહ્યો છે જેના માટે પોલીસે વોચ ગોઠવી હતી અને કર્ણાવતી પોલીસ ચોકી પાસે કેનાલ પાસે વોરા બિલ્ડિંગની સામેથી નારોલના વોરા બિલ્ડિંગ પાસે અમેના રેસિડેન્સીમાં રહેતા મોહસીન ઉર્ફે કાલિયા ઝહીર અહેમદશ શેખની ધરપકડ કરી હતી. નારોલ અને શંકાના આધારે તેની ધરપકડ કરી હતી. તેની પાસેથી અંગ ઝડતી લેતા રૂ. 5.76,500 ની કિંમત 57 ગ્રામ તેમજ 650 મિલિગ્રામની એમડી ડ્રગ્સ મળી કુલ રૂ.6,41,200નો મુદ્દામાલ જપ્ત કરવામાં આવ્યો હતો.
નારોલ પીઆઈ પી.સી.દેસાઈના જણાવ્યા મુજબ આરોપીની ધરપકડ કરી તેની અને ઈમરાન સામે ગુનો નોંધવામાં આવ્યો હતો. પોલીસ તપાસમાં આરોપી સામે નારોલમાં પ્રોહિબિશનના બે અને બેથી વધુ સહિત પાંચ ગુના નોંધાયેલા છે અને તે 2020માં પેરોલ હેઠળ રાજકોટની જેલમાં ગયો હતો.