ઉત્તર ગુજરાત વીજ કંપનીની ઘોર બેદરકારી
જોખમી ડીપી અંગે વારંવાર રજુઆતો કરવા છતાં પશુ-પક્ષીઓ વીજતંત્રને આળસ ખવડાવે છે, નાગરિકોના જીવને ખતરો
બગોદરા – ધોળકામાં UGVCL તંત્રની ઘોર બેદરકારીના કારણે શંકર તળાવ પાસે ડાઉન થયેલી વીજ ડીપી હોનારત સર્જશે. જોખમી ડીપી અંગે વારંવાર રજુઆતો કરવા છતાં પશુ-પક્ષીઓ વીજતંત્રને આળસ ખવડાવે છે, નાગરિકોના જીવ જોખમમાં છે.
ધોળકા નગરના કલીકુંડ વિસ્તારમાં જાણીતા શંકર તળાવ પાસે ઉભી કરાયેલી વીજ કંપનીની ડીપી હાલમાં અત્યંત જોખમી હાલતમાં જોવા મળી રહી છે. આ વિસ્તારમાં પાલિકાનો પીવાના પાણીનો બોર આવેલો છે, જેની ખૂબ જ નજીક યુજીવીસીએલ કંપનીનો વીજ પોલ અને ટ્રાન્સફોર્મર (ડીપી) છેલ્લા ઘણા સમયથી તળાવ તરફ ઝૂકી ગયો છે.
આ અંગે સ્થાનિકોએ અગાઉ પણ અનેકવાર લેખિત રજુઆતો કરી છે અને અખબારોમાં અહેવાલો પણ પ્રસિદ્ધ થયા છે, તેમ છતાં તંત્ર દ્વારા કોઈ નક્કર કામગીરી કરવામાં આવી નથી. નમેલી ડીપી ગમે ત્યારે તળાવમાં પડી જવાની સ્થાનિકોને ભીતિ છે, પાણીમાં ઉતરતા પ્રાણીઓ અને પક્ષીઓ અને નજીકમાં ફરતા નાગરિકોને જીવલેણ ઇલેક્ટ્રિક આંચકો લાગી શકે છે. મોટી જાનહાનિ થાય તે પહેલા ભયજનક ડીપીને તાત્કાલિક અન્ય સલામત સ્થળે ખસેડવામાં આવે તેવી લોક માંગ ઉઠી છે.