અમદાવાદ, ગુરુવાર, સપ્ટેમ્બર 26, 2024
અમદાવાદમાં બુધવારે બપોરે કાળા ડિબાંગ વાદળોથી ભારે વરસાદની આશા ઠગારી નીવડી હતી. સવારે 6 વાગ્યાથી સાંજના 7 વાગ્યા સુધીમાં નરોડા અને મણિનગર વિસ્તારમાં અડધો ઈંચ વરસાદ પડ્યો હતો. અન્ય વિસ્તારોમાં માત્ર હળવો વરસાદ પડ્યો હતો. સરેરાશ 5.73 મીમી વરસાદ નોંધાયો હતો. સિઝનમાં 37.87 ઇંચ વરસાદ નોંધાયો હતો.
શહેરમાં બુધવારે ફરી એકવાર અસહ્ય ગરમી બાદ બપોરે 3 વાગ્યાની આસપાસ વાતાવરણ પલટાયું હતું. શહેર રાયપુર, નારણપુરા ઉપરાંત દાણાપીઠ, આશ્રમ રોડ,
પાલડી,નવરંગપુરા,લાલદરવાજા અને એલિસબ્રિજ સહિતના અન્ય વિસ્તારોમાં વરસાદ શરૂ થયા બાદ ખૂબ સારો વરસાદ થવાની ધારણા હતી. પરંતુ સાંજે 7 વાગ્યા સુધીમાં નરોડામાં 18 મી.મી., મણિનગરમાં લગભગ 17 મિલીમીટર અને ભોપાલ વિસ્તારમાં 13 મિલીમીટર વરસાદ નોંધાયો હતો. વાસણા બેરેજનું લેવલ 131 ફૂટ નોંધાયું હતું.,બેરેજ ગેટ નંબર-25,26 બે ફૂટ અને ગેટ નંબર-28 એક ફૂટથી ખોલવામાં આવ્યો હતો.
