અમદાવાદઃ ગુજરાતમાં ચોમાસું પ્રવેશી ચૂક્યું હોવાથી દક્ષિણ ગુજરાતના કેટલાક વિસ્તારોમાં વરસાદ પડ્યો છે. હવામાન વિભાગની આગાહી મુજબ છોટાઉદેપુરના કવાંટમાં વરસાદ પડ્યો હતો. શીત લહેરો સાથે વરસાદ પડતાં વાતાવરણમાં ઠંડીનું મોજું ફરી વળ્યું હતું. મહત્વનું છે કે, હવામાન વિભાગે 11મી જૂન સુધીમાં છોટાઉદેપુર સહિતના વિસ્તારોમાં વરસાદની આગાહી કરી છે.
હવામાન વિભાગના જણાવ્યા અનુસાર સાયક્લોનિક સરક્યુલેશનને કારણે વરસાદની શક્યતા છે. તો બીજી તરફ પશ્ચિમથી દક્ષિણ-પશ્ચિમ તરફના ગરમ પવનને કારણે પવનની ઝડપ ઘટી જતાં અમદાવાદ, ગાંધીનગર, સુરેન્દ્રનગર અને અમદાવાદમાં ફરી ગરમી વધી છે. શુક્રવારે અમદાવાદનું મહત્તમ તાપમાન 43 ડિગ્રી જ્યારે લઘુત્તમ તાપમાન 30 ડિગ્રી નોંધાયું હતું. અન્ય 9 શહેરોમાં તાપમાન 40 ડિગ્રીથી ઉપર નોંધાયું હતું.
કાળઝાળ ગરમી વચ્ચે ડાંગના સાપુતારામાં સતત બીજા દિવસે વરસાદી માહોલ જોવા મળ્યો હતો. શુક્રવારે સાંજે વરસાદ પડતાં ખેડૂતોમાં આનંદની લાગણી ફેલાઇ છે. વરસાદને કારણે ઠંડીનું મોજુ ફરી વળતાં ગ્રામજનોએ રાહતનો શ્વાસ લીધો હતો. મેઘરાજા પડતાની સાથે જ સપ્તાહના અંતે પ્રવાસીઓની અવરજવર વધી રહી છે.
હવામાન વિભાગે આગામી સાત દિવસ સુધી રાજ્યના કેટલાક ભાગોમાં હળવાથી મધ્યમ વરસાદની આગાહી કરી છે. હવામાન વિભાગની આગાહી મુજબ આજે વલસાડ અને ડાંગમાં વરસાદ પડતાં અનેક લોકોને ગરમીમાંથી રાહત મળી હતી. હવામાન વિભાગના જણાવ્યા અનુસાર સાયક્લોનિક સરક્યુલેશનના કારણે વરસાદની શક્યતા છે. ગુજરાતમાં કાળઝાળ ગરમીના કારણે લોકો ત્રાહિમામ પોકારી ગયા છે. દરમિયાન અમદાવાદના લોકો વરસાદની આતુરતાથી રાહ જોઈ રહ્યા છે.
