જૂનાગઢ ક્રાઈમ ન્યુઝ: જૂનાગઢ અને કેશોદ પંથકમાં બે સગીરા પર બળાત્કારની ઘટનાઓ પ્રકાશમાં આવી છે. બંને બનાવમાં પોલીસે પોક્સો સહિતની ગંભીર કલમો હેઠળ ગુનો નોંધી આરોપીઓ સામે કાયદેસરની કાર્યવાહી હાથ ધરી છે.
સગીરાને બ્લેકમેલ કરીને વારંવાર બળાત્કાર ગુજાર્યો હતો
જૂનાગઢમાં રહેતી સગીરા સાથે અરમાન જહાંગીર હુઈન નામના શખ્સે મિત્રતા કેળવી બાદમાં સગીરાને લગ્નની લાલચ આપી વારંવાર તેના ફોટા પડાવી લીધા હતા. આ વાતની જાણ થતાં પરિવારજનો ચોંકી ઉઠ્યા હતા. આ અંગેની ફરિયાદ મળતા બી ડીવીઝન પોલીસે પોક્સો સહિતની કલમો હેઠળ ગુનો નોંધી આગળની કાર્યવાહી હાથ ધરી છે.
આ પણ વાંચોઃ ગુજરાતમાં પિતા મજૂરી કરતા હતા અને માતાએ 3 દીકરીઓને ઝેર આપીને આત્મહત્યા કરવાનો પ્રયાસ કર્યો હતો
તેની સાથે કામ કરતા યુવકે સગીરાને પ્રેમજાળમાં ફસાવી હતી
કેશોદ પંથકમાં પણ એક સગીર બળાત્કારનો ભોગ બની છે. અહીં વિશ્વાસઘાતની ઘટના સામે આવી છે. સગીરા સાથે કામ કરતા બાલાગામના મહેશ કનૈયાલાલ રામાનંદીએ સગીરાને પ્રેમજાળમાં ફસાવી દુષ્કર્મ આચર્યું હતું. આ અંગેની ફરિયાદ મળતા પોલીસે પોક્સો સહિતની કલમો હેઠળ ગુનો નોંધી વધુ તપાસ હાથ ધરી છે.
પોલીસ અપીલ
બંને કેસમાં પોલીસે ‘પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ’ (POCSO) હેઠળ કડક કાર્યવાહી શરૂ કરી છે. વાલીઓને અપીલ કરવામાં આવી છે કે તેઓ સોશિયલ મીડિયા કે અન્ય માધ્યમથી અજાણ્યા વ્યક્તિઓ સાથે મિત્રતા કરતા પહેલા સાવચેતી રાખે અને જો કોઈ શંકાસ્પદ પ્રવૃત્તિ જણાય તો તાત્કાલિક પોલીસનો સંપર્ક કરવો.