શહેરના સુભાનપુરા ઝાંસી કી રાણી સર્કલ પાસે રખડતા ઢોરોને પકડવાની કામગીરી દરમિયાન પશુપાલકો પકડાયેલી ગાયોને છોડાવી રહ્યા હોવાની ફરિયાદના આધારે ગોરવા પોલીસે બે વ્યક્તિઓ સામે ગુનો નોંધ્યો હતો.
મ્યુ. કોર્પોરેશનની દબાણ શાખાના સુપરવાઈઝર અરુણ દેવરેએ નોંધાવેલી ફરિયાદ મુજબ તા. 21 નવેમ્બરની સવારે કેટલ પાર્ટીની ટીમ પોલીસ સાથે રખડતા ઢોરને પકડવાની કામગીરીમાં હતી. સુભાનપુરા ઝાંસી કી રાની સર્કલ પાસે એક ગાય પકડાઈ હતી. ત્યારે અચાનક એક શખ્સ ટીમ સાથે ધસી આવ્યો હતો અને ઝપાઝપીમાં કર્મચારી રાહુલે પકડેલી ગાયને છોડાવી હતી. સ્ટાફે તેનો પીછો કરતાં ગાયનો માલિક ભાવેશ રબારી પણ આ વ્યક્તિ સાથે નંદાલયમાં આવ્યો હતો. ભાવેશે બૂમો પાડી સ્ટાફ સાથે અપશબ્દો બોલ્યા હતા અને ધમકી આપી હતી કે અમારા વિસ્તારમાં ગાયો પકડવા આવો છો તો ખંડણીખોર છો, પૈસા લઈ લો.
