10
-અમદાવાદની બે મહિલા સહિત ત્રણ સામે ગુનો
– સુરેન્દ્રનગરના નિવૃત પોલીસકર્મીના પુત્ર, જમાઈ, સગા સહિત પાંચ શખ્સો ભોગ બન્યા : બોગસ કોલ લેટર, ખોટા મેરિટ લિસ્ટ, કંપનીના ખોટા સિક્કા સહિતના દસ્તાવેજો બનાવી છેતરપિંડી કરી, એકની ધરપકડ.
સુરેન્દ્રનગર: ઓએનજીસી કંપનીમાં નોકરી આપવાના વાયદા પર ખોટા કોલ લેટર અને ખોટા મેરિટ લિસ્ટ સહિતના દસ્તાવેજો પર સહીઓ કરાવીને અલગ-અલગ વ્યક્તિઓ પાસેથી 48.30 લાખની છેતરપિંડી આચરવામાં આવી હતી. જેમાં સુરેન્દ્રનગરના નિવૃત પોલીસ અધિકારીના પુત્ર, જમાઈ, સગા સહિત પાંચ વ્યક્તિઓ લૂંટનો ભોગ બન્યા હતા. આ સંદર્ભે શહેરની એ-ડિવિઝન પોલીસે અમદાવાદની બે મહિલા સહિત ત્રણ સામે ગુનો નોંધ્યો હતો.
