અમદાવાદ મ્યુનિસિપલ કોર્પોરેશન: અમદાવાદ મ્યુનિસિપલનું બજેટ 18,518 કરોડ રૂપિયા પર પહોંચી ગયું છે. છતાં લોકોને પ્રાથમિક સુવિધાઓ માટે વલખા મારવા પડે છે. આ પૈસા ક્યાં અને કેવી રીતે વપરાય છે? એવો પ્રશ્ન થાય તે સ્વાભાવિક છે. તો 27મી ફેબ્રુઆરીએ સ્ટેન્ડિંગ કમિટીમાં મંજૂર થયેલી વધુ એક દરખાસ્તમાંથી જવાબ મળે છે. 12મી જૂન 2025ના રોજ પ્લેન ક્રેશ વખતે મ્યુનિસિપલ સ્ટાફ દ્વારા પીરસવામાં આવેલા ચા-નાસ્તાના હિસાબે રૂ. 16.74 લાખનું બિલ મંજૂર કરવામાં આવ્યું છે.
એવો દાવો કરવામાં આવે છે કે પાણીની બોટલ, દૂધ અને બિસ્કિટની વ્યવસ્થા કરવામાં આવી હતી અને સેવાભાવી સંસ્થાઓને વહેંચવામાં આવી હતી.
અમદાવાદમાં 12મી જૂન, 2025ના રોજ એક પ્લેન ક્રેશ થયો હતો. આ ઘટનાને પગલે પાલિકાના વિવિધ વિભાગોના અધિકારીઓ અને કર્મચારીઓને ફરજ સોંપવામાં આવી હતી. આ સ્ટાફ ઉપરાંત સેવાભાવી સંસ્થાઓ માટે ચા-નાસ્તો, પાણીની બોટલ, અમૂલ દૂધ, બિસ્કીટની તાત્કાલિક વ્યવસ્થા કરવામાં આવી હતી.
આ પણ વાંચોઃ અમદાવાદમાં RPF જવાનોની તકેદારીથી મુસાફર ટ્રેન નીચે કચડાઈ ગયો, ઘટનાના CCTV સામે આવ્યા
ઘટનાના આઠ મહિના બાદ 27 ફેબ્રુઆરીએ સ્ટેન્ડિંગ કમિટીએ 16.74 લાખ રૂપિયાના ખર્ચને મંજૂરી આપી હતી. વિલંબનું કારણ સંતોષકારક કામગીરીનું ફૂડ સેફ્ટી ઓફિસરનું પ્રમાણપત્ર મેળવવાનું હતું! બીજી તરફ ચા-નાસ્તો, પાણી, દૂધ, બિસ્કિટ પાછળ ખર્ચવામાં આવેલી આ રકમનો આંકડો પણ લોકોમાં ચર્ચાનું કેન્દ્ર બન્યો છે.