અમદાવાદ મતદાર યાદી અપડેટ કેમ્પઃ જિલ્લા ચૂંટણી તંત્ર દ્વારા 27-28 ડિસેમ્બર, 3-4 જાન્યુઆરી દરમિયાન અમદાવાદ જિલ્લાના 5524 મતદાન મથકો પર મતદારયાદી સુધારણા ઝુંબેશ શિબિર યોજાશે.
અમદાવાદઃ 5524 મતદાન મથકો પર ખાસ કેમ્પ
મતદાર યાદી વિશેષ સઘન સુધારણા અભિયાન (SAR)નો બીજો તબક્કો હાલમાં અમદાવાદ જિલ્લામાં ચાલી રહ્યો છે. ભારતના ચૂંટણી પંચ દ્વારા 1-1-2026ની લાયકાત તારીખે ગુજરાત સહિત 12 રાજ્યોમાં મતદારયાદીની વિશેષ સારાંશ સુધારણાનો બીજો તબક્કો હાલમાં પ્રક્રિયામાં છે. જેમાં મતદારો પોતાના વાંધાઓ અને દાવાઓ રજૂ કરી શકશે.
આ પણ વાંચોઃ બોરસદના બોડાલ પાસે ટેન્કર સાથે કાર અથડાતા વ્યક્તિનું મોત
21 વિધાનસભા મતવિસ્તારોમાં ખાસ કેમ્પ
જે અંતર્ગત અમદાવાદ જિલ્લા ચૂંટણી તંત્ર દ્વારા તમામ 21 વિધાનસભા મતવિસ્તારોમાં ખાસ કેમ્પનું આયોજન કરવામાં આવ્યું છે. જો કોઈ મતદારનું નામ ડ્રાફ્ટ મતદાર યાદીમાં ન હોય અથવા વિગતોમાં કોઈ સુધારાની જરૂર હોય, તો આ વિશેષ શિબિર દરેક મતદાર માટે મહત્વની તક છે. આ ચાર દિવસ દરમિયાન દરેક મતદાન મથક પર બૂથ લેવલ ઓફિસર હાજર રહેશે, જેઓ રજૂ કરવાના જરૂરી પુરાવાઓ અને દસ્તાવેજો વિશે મતદારોને માર્ગદર્શન આપશે. આ ઉપરાંત, નવા નામની નોંધણી માટેનું ફોર્મ-6, નામ કમી કરવા માટેનું ફોર્મ-7 અને સુધારા-વધારા અથવા ટ્રાન્સફર માટેનું ફોર્મ-8 સ્થળ પર ઉપલબ્ધ રહેશે.
